شرح الكويستات ال 12 في كونكر شرح كوستات الجوب سنتر كلها 18 كوست Jop Center Quests18

المهمة الاولة:defense of twin city
اللفل:12
هتروح الجوب سنتر حسب
شخصيتك هتروح للراجل بتاعك تكلموا هتدوس تانى وحدة gimme some tasks بعد
كده هتدوس اول وحدة gimme some tasks هترغى معا شويه و هيديك training
badge بعد كده هتروح الى Officer Su

هتكلموا وبعد كده هترروح الى Arsenal Guard

هتكلموا
هيديك 0.6 اكس بى بول و 1000 سلفير وبعد كده هترجع الى الجوب سنتر هتكلم
الراجل بتاعك هتدوس gimme some tasks و بعدين تدوس تانى وحده gimme the
reward هتختار سلاح ريفيند لفل 15 و بكده خلص الكوست الاول.

المهمة الثانية:the helmet
اللفل:20
هتكلم
الراجل بتاعك اللى فى الجوب سنتر و هتختار تانى وحدة gimme some tasks و
بعد كده اول وحدة (نفس الكلمة) هترغى معه و هيديك training badge بعد كده
هتروح الى Ironsmith Chou هيقولك جمع 5 Helmet Fragments هتروح تقتل الوحوش
اللى جمب mine cave

بعد متجمع 5 هترجعلوا تانى تكلموا هيقولك جبلى evil blood ده من rock monsters داخل ال mine cave
بعد
متجبها ترجعلوا تانى تكلموا هيديك 0.6 اكس بى بول و 1000 سلفر بعد كده
ترجع الجوب سنتر تكلم الراجل بتاعك هتدوس تانى وحدة و بعد كده تانى وحده
هتاخد خوذه لفل 22 و كده خلص الكوست التانى.

المهمة الثالثة:The Connector
لفل:22
هتروح
الجوب سنتر تكلم الراجل بتاعك هتختار تانى وحده و بعد كده اول وحدة هترغى و
هيديك training badge هتروح بعد كده الى Thief Wong تكلموا هيقولك دور على
Thief Chen

بعد متعدى الدوامة اللى بتوديك الفونيكس هتدور عليه فحتة من الاربعه دول 33.389 او 39.373 او 62.345 او 47.369 و ده صوره ليه

هيقولك
اقتل 5 وحوش من اللى حواليه بعد متقتلهم كلموا تانى هيديك رساله للراجل
التانى هتروحلوا تكلمو هيديك 0.6 اكس بى بول و 1000 سلفر هتروح للراجل
بتاعك فى الجوب سنتر هتاخد منو سلسلة ريفيند لفل 27 وبكده خلصنا الكوست
التالت.

المهمة الرابعه:spun gold armor
لفل:32
هتعمل نفس الموال فى الجوب سنتر و بعد كده هتروح الى Veteran Hong هتكلموا ديه صورتوا

بعد
كده هتطلع برا المدينة تقتل الوحوش الخضره لحد متضهر رسالة فى الشنطة
بتعتك هترجع تانى للراجل تكلموا هيديك حجتين بعد كده تطلع برا المدينة من
البوابة الشمال هتلاقى راجل واقف جمب شجرة اسموا zhao jian ديه صورته

هتكلموا
هيحولك بنت بعد كده تجرى بسرعة شمال عشان فى وقت الى 100.430 هتقف فوصت
اربع جواهر زرق بعد كدة تفتح الشنطه هتلاقى حاجة شبه البصله هتدوس عليها
كليك يمين هتظهر وحوش تقتلهم كلهم بعد متقتلهم هتظر حاجة فى الشنطة بتعتك
شبه الشكولاتة هتدوس عليها كليك يمين هيظهر درع تخدوا و ترجع للراجل اللى
فى المدينة تكلموا هيديك 0.6 اكس بى و 1000 سلفر هترجع للراجل بتاعك فى
الجوب سنتر هتاخد درع يونك و بكده مكون خلصنا الكوست الرابع.

المهمة الخامسة:Azure Pill
لفل:40
هتعمل نفس الموال فى الجوب سنتر و بعد كده هتروح الى Scholar Wu فى الفونيكس تكلموا
معلش السيرفر وقع وانا بصور هنكمل دي من غير صور
المهم
هو فى 214.231 فى المدينة بعد متكلوا هتمشو فوق شوية عند واحد اسموا
Pharmacist Mu Mu فى 182.241 هتكلموا بعد كده هتروحوا توين ستى تكلموا Bian
Qing فى 471.330 هو ورا الرجل اللى لابس ابيض فى الصوره اللى فى المهمة
التلتة هيديكوا حجتين بعد كده ترجعوا الفونيكس تروحوا تقتلو fire rat lvl
38 لحد متلاقى 3 Ratling Meat و وحده Ratling Eye وترجعوا الى Pharmacist
Mu Mu فى الفونيكس هياخد الحجات و هيقولك استنى دقيقتين بعد دقيقتين تكلوا
هيديك حاجة شبه الازازة هتديهة الى Scholar Wu هيديك اكس بى و سلفر و ترجع
للجوب سنتر تكلم الراجل بتاعك هتاخد يونك رينج و كده خلصنا الكوست الخامس.

المهمه السادسة:Artisan's Feather
الفل:45
بعد متروح تكلم الراجل بتاعك فى الجوب سنتر هتروح تكلم Apprentice Luo فى توين ستى

بعد كده هتروح لواحد اسمه Artisan Luo تكلموا هيقولك جمعلى 100 ريشة هتقتل الطيور اللى جمبه لحد متجمعهم

بعد
متجمع 100 ريشة هتكلم الراجل تانى هيقولك جبلى ريشه وحده هتروح الايب ستى
هتنزل لحد اخر الخريطة تحت هيلاقى طيور شبه اللى كنت بتجمع منهم ال100 ريشه
هتفضل تقتل فيهم لحد ميظهر فى الشنطه ريشه بعد كده هترجع للراجل تانى
تكلموا هيديك اكس بى و سلفر بعد كده ارجع للراجل بتاعك فى الجوب سنتر هتاخد
سلاح يونك لفل 50 و بكده خلص الكوست السادس.

المهمة السابعة:mystic ring
اللفل:48
بعد
متروح تكلم الراجل بتاعك فى الجوب سنتر هتروح الصيدليه تشتر 12 من الهلث
اللى شبة النبته اللى بيزود 70 و اشترى 12 من اللى بزود المانا 70 اللى هما
بتوع النوبز دول بعد كده هتروح تكلم Minstrel فى الفونكس ستى

بعد
متكلموا هتنز تحت لحد متوصل القرية الصغيرة فى الفونكس عند واحد اسمه
Dealer Shen كلموا بعد متخلص كلام معه اول مره كلموا تانى هياخد ال12 هلث و
ال12 ماجك اللى انت اشترتهم من توين ستى بعد ميخدهم هيقولك اقتل 20 فار من
اللى حوالين القريه اقتلهم و ارجعلوا كلموا (صوره ليه)

بعد
متقتل الفران و تكلموا هيقولك ادى رساله فونكس لابنه فى المين كيف (mine
cave) (اللى هى الرسالة اللى بتوديك الفونيكس لما تدوس عليها ) هتروح
تشتريها من الصيدليه اللى فى الفونكس و بعد كده انزل تحت خالص و خوش المين
كيف و بعد متتخول انزل تحت كلم واحد اسمه Shen Junior ديه صورته

بعد
متكلموا و ياخد منك الرسالة هترجع تانى للراجل اللى فى القرية كلموا هيديك
خاتم بعد كده هترجع للراجل اللى فى الفونيكس تكلموا بعد متكلموا دوس على
الخاتم كليك يمين بعد متدوس على الخاتم كلم الراجل تانى هيديك اكس بى و
سلفر و بعد كده ارجع للراجل بتاعاك فى الجوب سنتر هتاخد خوذه يونك لفل 52 و
كده خلص الكوست .

المهمة الثامنه:Frantic Monkeys
اللفل:50
بعد
متكلم الراجل بتاعك فى الجوب سنتر هتروح للايب ستى هتكلم واحد اسموOfficer
Bao هيقولك اقتل القرود اللى برا المدينه لحد متلاقى حاجه شبه القلب

هترجعلو تكلموا تانى هيقولك روح لواحد اسمو Royal Doctor Li فى توين ستى

بعد
متكلموا هتتحول لقرد و هيديك ازازه دوس عليها كليك يمين هتروح مكان اقتل
الوحوش اللى هناك لحد متطلع كلم الراجل اللى فى توين ستى تانى هيديك حاجة
بعد متكلمو هتروح الايب ستى عند 800.470 و دوس كليك يمين على الحاجه اللى
ادهالك هتظهر وحوش اقتلها كلها لحد ميظهر الكنج بتعهم اقتلوا بعد كده ارجع
للراجل اللى فى الايب ستى هيديك اكس بى و سلفر بعد كده ارجع تانى للراجل
بتاعك فى الجوب سنتر هتاخد سلاح اليت لفل 55 و كده خلص الكوست التامن.

الهمة التاسعه:Soul of General
اللفل:55
المهمة ديه صعبه و رخمه جدا
بعد متكلم الراجل بتاعك فى الجوب سنتر هتروح للايب ستى هتكلم واحد اسمو General Amber

بعد متكلموا هتروح توين ستى عند واحد اسمو General Zhao

بعد
متكلموا هترجع تانى للراجل اللى بينور فى الايب هيقولك جمعلى ريحه 10 rock
monster و 10 giant ape lvl 53 اللى هما الخضر دول و واحد snakeman العشره
بتوع الروك منستر هتجمعهم من عشر وحوش روك منستر فى المين كيف بتاع
الفونكس و العشره بتوع الجينت ايب رخمين اوى هتفضل تقتل فيهم لحد متظهر
جملة طويله اوى بأصفر على الشاشه فوق ديه بتقولك ان انت جمعت 10 ريحه من
الجينت ايب بعد كده هتروح على السنيكمان فى نفس الخريطه هتقتل فيهم لحد
متظهر نفس الجمله الطويله على الشاشه فوق بعد متجمع الروائح كلها ترجع
للراجل اللى بينور هيخدهم منك و يقولك روح كلم واحد اسمو Painter Feng Kang
فى مدينة الايب

بعد
متكلموا هيديك حاجة هترجع تانى للراجل اللى بينور تكلموا هيقولك روح الى
General Zhao فى توين ستى بعد متكلموا كلم الراجل الللا واقف جمبه بعد كده
ارجع للراجل الى بينور كلموا هيتحول وحش اقتله و ارجع الى General Zhao فى
توين ستى كلموا هيديك اكس بى و سلفر ارجع للراجل بتاعك فى الجوب سنتر هتاخد
جزمه اليت لفل 60 و بكد خلصنا الكوست الرخم ده.

المهمة العاشرة:the mad man
اللفل:60
بعد متكلم الراجل بتاعك فى الجوب سنتر هتروح للايب ستى هتكلم واحد اسمو Du San

بعد
متكلموا هتروح توين ستى هتكلم واحد اسمو General Judd هيكون واقف جمب
الراجل اللى بيدخلك اللاب هتكلموا و بعد كده هترجع الايب هتروح عند
الاسنيكمان تقتلهم لحد متظهر حاجه فى الشنطة هترجع تانى لGeneral Judd
هيقولك روح كلم Pharmacist Dong فى توين ستى

بعد
متكلموا هيديك ثلاث ازايز ملونين هتدوس على الزازه الزرقه الاول كليك يمين
بعد كده دوس على الخضرة هتوديك مكان المكان ده فى 7 حواهر زرق لازم تدوس
عليهم كلهم بس الجواهر ديه فى حتت مختلفه للاسف ميش هقدر احط صور لاماكنهم
عشان انا عملت الكوست ده من زمان فهتضور عليهم لحد متدوس على ال7 كلهم
هتلاقى فى الشنطه 7 حجات دوس على اى وحده منهم كليك يمين هتخرجك برا المكان
و هتاخد ازازه هتروح تديها لDu San فى توين ستى هيديك اكس بى و سلفر هترجع
للراجل بتاعك فى الجوب سنتر هتاخد خوذه اليت لفل 67 و كده خلص الكوست
العاشر.

المهمه الحادية عشر:the ghost city
اللفل:75

بعد متكلم الراجل بتاعك فى الجوب سنتر هتروح Aunt Zhang فى توين ستى هتكلمها

بعد متكلمها هتروح تكلم Jerk Wang

هيديك
العاب نارية و يقولق روع اعملها فى التلت اماكن دول 397.315 و 426.305 و
485.404 من الساعة 20:00 الى الساعة 21:00 و بعد متعملها هتروح تكلم Taoist
Shine

هيديك
حاجه و يقولك روح اقف فى وحده من الماكن التلاته دول و اول متقف هتخوش
مكان شبه توين ستى هتروح تكلم واحد اسمه Mo Mo فى 145.134 هتكلموا و بعد
كده هتروح المربع اللى شبه المربع فى توين ستى هتلاقى اربع جواهر زرق دوس
على اى واحد منهم هيرجعك تانى توين ستى هتروح تكلم taoist shine هيديك حاجه
و يقولق اقف فى واحد من الاملكن التلاتة بعد متقف هتخش مكان هتقتل فيه 100
شخصية اطفال و خطاف اطفال لحد ميظهر الكنج بتعهم اقتله هتظهر حاجه فى
الشنطة هتروح ل mo mo تكلموا و هترجع توين ستى هتروح ل aunt zhang هتديك
اكس بى و سلفر بعد كده ارجع للراجل بتاعك فى الجوب سنتر هتاخد درع اليت لفل
87 و بكد نكون خلصنا الكوستات كلها .
يا رب اكون افتكم بحاجة

ملحوظة دي كوستات السوبر والايليت
الكويست الـ12

هنروح
الجوب سنتر ناخد الكوست زى ما كنا متعودين فى الى قبل كدا بعدين هنطلع
الديزرت عند Farmer Lynn (Desert City, 461 661) زى ما فى الصورة كدا

هنروح
نكلمو هيقولك روح هاتلى 10 من Marbles ودول بتلاقيهم لما تموت فى وحوش
rock monster فى الديزرت هتلاقيهم بيظهرو لوحديهم فى الايتمز بعدين ترجعلو
تانى بعد لما تجيب 10 تكلمو هيقولك هوة محتاج 3 حاجات اساميهم Rune Jade
Sun Jade Moon Jade ودول بنعملهم ب 3 زى الى فى الصورة كل لما نجمع 3 ندوس
عليهم كليك يمين هتلاقيهم اتحولو لوحدة من ال3 الى قولنا عليهم بعد لما
تجمعهم روح تانى للراجل وعلى فكرة دول بنجمعهم لما نموت وحوش Rock Monster
L78
كلمو هيقولك روح لبنتى الى هى واقفة جنبو دى روح كلمها هتسالك سوال تجاوب علية هتديلك اكس بى روح الجوب سنتر استلم الهدية

الكويست الـ13 Desert Blood

نروح الجوب سنتر ناخد المهمة وبعدين نروح عند Harvey (Desert City, 495 579)

كلمو هيقولك روح موت فى وحوش Blade Ghost L83 علشان تاخد Stone Spell تدوس عليها كليك يمين بعدين تروح عند النقطة دى (386,103

هتلاقى
عمود كدا شبة البولا كلمة هيدخلك مكان الاول كلم العمود التانى الى جوة
هديلك اكس بى بعدين كلم الراجل الى زى الشبح دة الى جنبة هتلاقية طلعك برة
عند المستل كاستل تروح تموت فى وحوش Blade Ghost وكل لما تموت 30 وحش
هتلاقى رسالة طلعتلك لحد لما يقولك انك موت 200 وحش هتلاقى حاجة ظهرت فى
الباجة بتاعتك خدها روح عند العمود تانى كلمو هيدخلك جوة تانى هتكلم الراجل
هيقولك انو محتاج 5 Blade Ghost Fangs ودول هتلاقيهم انت وبتموت فى Blade
Ghost بردو هتجمعهم وتروح للعمود تانى يدخلك تكلم الشبح الى جوة هيقولك روح
للراجل الى فى الديزرت تكلمو هيديلك حاجة خدها وارجع عند العمود ادخل جوة
كلم الشبح هيديلك حاجة وهيقولك وديها للبنت دى فى البيرد مان

كلمها هتديك جواب دوس علية كليك يمين بعدين كلمها تانى هتديك اكس بى ودلوقتى تقدر ترجع الجوب سنتر علشان تاخد هديتك

الكويست الـ14 Hero's Wings

هنروح نعمل نفس الحدوتة بتاعت كل مرة فى الجوب سنتر وبعدين نروح البيرد مان عند الراجل دة Poor Xiao (Bird Island, 725 541)

هيقولك روح للراجل دة Doctor Know-it-All (Bird Island, 701 595

هيقولك
اطلع موت فى البيرد مان لحد لما تلاقى ميتور خدة وارجع تانى كلمو هيقولك
انو محتاج ريحة 10 وحوش من البيرد مان تروح تضرب فى البيرد برة لحد لما
تلاقيهم بيظهرو فى الايتمز لوحدهم بعد ما تجمعهم روح كلمو تانى هديليك حاجة
شبة الميتور سكرول و هيقولك روح Hawk Kings لحد لما تظهر حاجة فى الايتمز
بتاعتك زى دى كدا

بعد ماتجيبها وياريت تركزو فى الحتة دى هتروحو عند النقطة الى انا واقف فيها بالتحديد

وتدوسو
على البيضة الى معاكم فى الايتمز هتلاقى زى حاجة منورة ظهرت فى الارض ابعد
عنها وارجع اقف عليها تانى بسرعة هتلاقى حاجة ظهرت فى الايتمز خدها
وارجعلو تانى هيقولك هاتلى 5 Hawk Claws ودول بتجمعهم لما تموت وحشين من
Hawks L93 فى مدة متزدش عن دقيقة بعد ماتجمعهم رحولو هيقولك روح للراجل الى
بدانا عندة المهمة فى البيرد الى هوة Poor Xiao كلمو وبعدين روح Doctor
Know-it-All كلمو بدين ارجع لPoor Xiao هديك اكس بى ارجع الجوب سنتر ومبروك
عليك الهدية

الكويست الـ15 Family Feud

هنروح الجوب سنتر كالمعتاد وبعدين نروح البيرد عند Felix (Bird Island, 686 547)

هيقولك
Bandits L97 روح موت هناك 50 وحش لحد لما الكنج يظهر معلش نسيت اصورة
المهم هتموتو هتاخد مة حاجة هترجع تديها Felix (Bird هيقولك روح موت فى
Bandit L98 لحد لما تظهر حاجة فى الايتمز ارجعلة تانى هيقولك روح موت 10
Bandittis لما تموتهم هيظهر وحش اسمة Bandit Messenger بعد ما تموتة هتلاقى
معاك حاجة فى الايتمز خدها وارجعلة تانى هيقولك روح موت 10 10 Bandit
Deliverers ودول هتلاقيهم جنب Bandits L97 ودى صورة ليهم

بعد
متموت 10 هتلاقى فى حاجة فى الايتمز روح تانى ل Felix هيقولك روح موت وحش
اسمة Senior Bandits (Bird Island, 317 573 ودة هتلاقية جنب Banditti بعد
متموتة هتلاقى فى حاجة فى الايتمز روح ل Felix هيحولك لوحش وهتمشى بسرعة
تروح عند الراجل دة

هيدخلك
ماب كدا هتلاقى اربع رجالة شبة الوحوش ملكش دعوة بيهم هتلاقى راجل كلمو
وبعد متخلص كلام معاة هتلاقى اربع دومات لازم تنط فيهم بالترتيب فى مدة لا
تزيد عن 10 ثوانى وترتيبهم اهوة ازرق \ اخضر \ احمر \ اصفر \ اسود بعدين
كلمو لو لقيتة بيقلك i,ll try يبقى تعمل الدومات من تانى لو كلمك عادى
هيطلعك برة تروح ل Felix هديلك اكس بى وسلفر روح الجوب سنتر خد الهدية
وادعلى

الكويست الـ16 Desert Treasure

هنروح نعمل موال الجوب سنتر وبعدين نروح للراجل دة فى الديزرت
Louis (Desert City, 466 649)

هيديلك حاجة و هيقولك روح موت فى وحوش Tomb Bats لحد لما تظهر حاجة شبة المفتاح خدو وروح عند المكان الى انا واقف فية بالظبط

وهتدوس
على البتاعة الى خدتها من الراجل كليك يمين هتلاقى حتة جنبك نورت اقف فيها
بسرعة هتلاقى فى حاجة فى الايتمز شبة الصندوق دوس علية كليك يمين وروح كلم
Louis هيقولك روح للراجل دة فى المستل كاستل

كلمو
وبعدين لازم تكون واخد معاك فلوس هيظهرلك مربع اكتب فية 99999 وبعدين
هتلاقى فى حاجة فى الايتمز روح موت فى وحوش Bloody Bats, Bloody Bats L108
هتلاقى حاجات بتظهر فى الايتمز بس هى مش بتظهر من اول مرة خليك صبور انت
لازم تجمع 5 بعد لما تجمعهم ارجع الديزرت ودوس على اى وحدة منهم كليك يمين
هتلاقيه اختفو بسرعة تروح تكلم Louis هديلك ازازة و هيقولك روح موت الوحش
دة

بس
لازم اول مربنا يكرمك وتموتو قبل ما جسمة يختفى تدوس على الازازة الى معاك
كليك يمين وبعدين تروح ل Louis هيسالك شوية اسالة هوة كل شوية بيغيرهم
تجاوب ومش مهم لو غلط هيسالك تانى لحد لما تجاوب صح وبعدين هيديلك اكس بى
روح الجوب سنتر استلم هديتك

الكوست الـ17
هنروح نعمل الحدوتة بتاعت كل مرة وبعدين نروح الديزرت عند الراجل دة واسمو Master Mo Mo

هيديلك
حاجة وهيقولك اجمعلى 10 قرون ودول بتلاقيهم بيظهرو فى الايتمز لما تموت
وحوش Bull Monster بس لازم تدوس على الحاجة الى ادهالك كليك يمين ودى هتخلى
تحت زى نار كدا بس القرون مش بتيجى غير لما تكون النار دى تحتك علشان كدا
كل لما تختفى دوس كليك يمين على البتاعة الى معاك فى الباجة تانى لحد لما
تجم 10 قرون ارجع عند Master Mo Mo هيديلك مراية وهيقولك روح عند النقطة
(174.398) هتلاقى كرستالة دى

دوس
كليك يمين على المراية الى معاك فى الايتمز بعدين هتلاقى وحوش اسمها Mad
Bulls لازم تخلى الوحش يكون لامس الكرستالة وتموتة علشان تاخد الجوست بتاعة
وهتلاقية ظهر فى الايتمز بتاعتك بس هوة مش بيجى من اول مرة وبعد متجمع 3
روح عند Master Mo Mo كلمو هيقولك روح موت وحش اسمة Bull Master

بعد متموتو هتلاقى فى حاجة عندك فى الايتمز تروح عند Master Mo Mo تكلمو هيديلك اكس بى روح الجوب سنتر خد الهدية

ولان مع الكوست الـ 18 والاخير من كوستات الجوب سنتر وهى [size=25]كويست Power Book

هنعمل زى كل مرة فى الجوب سنتر بعدين نروح عند الراجل الى بيدخلك الاب هتلاقى Old Beggar واقف جنبة ودى صورتة

كلمة هيديلك حاجة كدا بعدين لازم يكون معاك sky token . erth token and soule token
بعد
كدة يابطل تروح داخل لاب واحد تموت 20 وحش Slingers اول لما تموتهم هتلاقى
عمود نور نزل فوقيك ودة هيحصل كل لما نخلص مرحلة من مراحل الكوست دى بعدين
نروح عند حتة من التلاتة دول

نقف على الكرستالة زى الصورة وتموت 10
وحوش Gold Ghosts بعدين تروح مموت 15 Slingers و 15 Gold Ghosts ومش لازم
بالترتيب يعنى عادى بعد متموتهم هنروح لاب 2 وعلشان الناس الى متعرفش لاب 2
بيروحوة منين دة بتدخولو من عند الراجل دة فى لاب واحد

ندخل لاب 2
تموت وحش Bladeling وقدامك 10 ثوانى علشان تموت واحد غيرة وبعدين نروح
نموت وحش Agile Rats هنلاقى حاجة فى الباجة دة شكلها

دوس عليها كليك يمين هتلاقيها اختفت بعدين ارجع موت 10 Agile Rats و Bladeling 10 بعد كدة نروح لاب 3 من عند الراجل دة

هنموت
وحش Blue Birds زقدامك 20 ثانية علشان تموت وحش تانى بعد كدا موت وحوش
Fiend Rats. هتلاقى حاجة فى الباجة بعدين روح المكان دة زى ما فى الصورة

واقف
جوة النار دى بعدين دوس على البتاعة الى فى الباجة كليك يمين بعدين موت 5
ووحوش Blue Birds و 5 وحوش Fiend Rats بعدين موت فى Blue Birds لحد لما
متظهر حاجة فى الباجة بعدين اطلع على لاب 4 هناك بقى هتموت الوحش وقدامك 3
ثوانى تدوس كليك يمين على البتاعة الى معاك فى الباجة وتعمل كدة 10 مرات
بعد لما تخلص ويطلع عمود النار الى بيظهر كل مرة روح عند Old Beggar كلمو
هيديلك اكس بى روح الجوب سنتر ومبروك عليك لبس سوبر لفل 120

وبكدة
اكون شرحت المهمات كاملة ويارب اكون وفقت فى هذا ويارب الشرح يعجبكم واى
سوال انا تحت امركم وربنا يوفقنى واعرف ارد على كل استفسارتكم وشكرا

» باتشات كونكر لصاحب المنتدي علي حسب الطلب
» بذل رقص خيال كلها دلع وشقاوه اشكال مختلفه والوان ساحرة
» اقوى وأروع 65 سكرين سيفر ثلاثيه الابعاد لعيون اعضاء منتديات الربيع ارجو ان تنال اعجابكم و كلها مش محتاجه تسطيب ولا حاجه اختار الاسكرين اللى تعجبك وبضغطه واحده هتشتغل